Ramesh aur Ahmed. Friends became Foes

View this post on Instagram

Do Dost the……. Ramesh aur Ahmed. College se nikle to samajh nahi aaya ki kya karein. Aur socha ki paas ke bazaar mein dukaan lagayi jaaye. Ahmed apne ghar se 5000 Rupye laaya aur Ramesh Apne. Ab dono ko samajh nahi aaya ki dhanda kya karein to paross ke akhbaar waale ne btaya ki Bhai aajkal Naye Fashion ka Kappra bahut bikta hai to wohi bech lo. Yeh Baat dono ko sahi lagi aur Gandhi Nagar chale gaye kappre lene. Ab Wahaan Jo kappre Ramesh ko acche lagte the woh Ahmed ko bure lagte aur yeh silsila kuch dukaano tak chalta raha. Ab ek Dukaan aayi jisme ek 70 Saal ke sajjan Safed Dhoti Kurta pehen ke baithe the. Chehre par gazab ka noor tha aur maathe par thori vibhuti bhi lagi hui thi. Bas dono andar chale gaye. Dukaandaar ko yeh samajhne mein zyada samay nahi laga ki inn dono ki Vyavahrik soch to ek jaisi hai, Par Vyavsayik Soch alag. So, woh bole, "Baccho ek Dukaan lagane ke bajaye tum do dukaan kyu nahi laga lete?" Ab yeh baat to samaj aa gyi inn dono ko aur pal hi bhar mein dono ne sauda bhi khareed liya uss dukkan se. Ab agle hi din kiraye par Rehri li aur bazaar mein saath saath hi dukaan laga li. Ab Kuch din tak to bahut maza aaya, par aisa hamesha thore na hona tha. Kuch hi din mein Kabhi ek ki sale acchi hoti to kabhi dusre ki. Jab Ramesh ki sale acchi hoti thi woh khush hota tha, lekin Ahmed ki sale acchi na hone ke karan woh khushi mana nahi paata tha. Bas yeh daur kuch hafte aise hi chalta raha. Aur dono mein dooriyaan barrti chali gayi. Ek din Ramesh khaali baitha tha aur Ahmed ki sale bahut acchi thi. Poora din Ramesh Ahmed ki rehri ki taraf hi dekhta raha. Achanak agle din Ahmed ki Sale kam ho gayi aur Ramesh Ki barr gayi. Ahmed ko laga Ramesh uski dukaan par Nazar laga raha hai. Bas agle din jaise hi Ramesh ne Ahmed ki dukaan ki taraf taakna shuru kiya Ahmed ne keh Diya… Khabardaar jo meri Dukaan ki taraf aankh bhi utha ke dekhi. Bas uss din ki baat hai aur aaj ka din hai, dono aise hi ek dusre ki taraf peeth karke apna maal bechte hai. Pehle Dil Chhoote the, ab Sirf Peeth chhooti hai 🙂 The End PS:Yeh kahani Kalpnik hai, Par Tasveer Sacchi 🙂 . #story #storytime #storytelling #writingmood #lessons #true #mistertikku

A post shared by Gurpreet Singh Tikku (@mistertikku) on Aug 27, 2017 at 6:51am PDT