Veg Khaane Ke Badshah-

 

 

 

 

 

View this post on Instagram

 

 

 

 

 

 

 

 

 

 

 

A post shared by Gurpreet Singh Tikku (@mistertikku)

Yeh dukaan Royal Restaurant aaj ki nahi hai, Kayi dashko puraani hai. Agar aapke Parents ya Grand Parents Dilli ke hai then unhone surely yahaan kam se kam ek baar to khaaya hi hoga.

Maine bhi bahut pehle khaaya tha aur Kuch din pehle phir ek baar hum chale gaye Royal par.

Lagta hai samay yahan kuch ruk sa gaya hai.

Waise hi puraani Seating, Wohi purane tareeke se Koyle ki Angeethi par Peetal ke bartan, Wohi “Cheeni ki Plate” mein khaana serve aur sabse zarooi wohi swaad.

Jab hum gaye to andar ground floor poora bhara hua tha, 30 logo ki sitting niche, Poori Full. Uppar bhi seating hai par we waited for 10 mins to get a table niche hi.

Bhaiya se poocha kya recommend karenge to poori list hi suna di unhone.

From Dal Makhni (200) To Khoya Paneer (230), From Soya Chaap masala (230) to Mutter Kofta (220) And from Shahi Paneer(230) to their Special Tarrke Waali peeli Dal.
Abhi to woh Saaag bhi recommend kar rahe the. Par maine haath rok diya.

Ab Dal makhni ka pehla chamach mooh mein daala aur pata chal gaya ki yahaan ke Khaane mein special Mithaas daali hai Rabb ne.

Khoya Paneer maine pehle kabhi nahi khaya, Par itna accha laga ki agli baar jaunga to to bhi zaroor khaunga. Super Rich Food, har bite mein swaad.

Have to say inka Tandooriya bhi bahut barriya hai. Parantha, Roti aur Garlic Naan, teeno bilkul Perfect the jee.

Wahaan jaate hi old world dhaba ki khushbu aapko apna bana leti hai. Servers aise jo yahaan shayad saalo se nahi dashko se kaam kar rahe ho. Jaise ki har khaane waale ka chehra parr sakte ho.

Mein jab lunch mein gya tab poora bhara hua tha. Par best part hai, Log aate hai, Khaate hai aur nikal jaate hai. So aapko 15 mins ki waiting ke baad Table mil jaana chahiye agar rush hua to. Metro se jayenge to bhi walking hai 5 mins, Car se jayenge then saamne waale Block mein gaari khari karke walk kar lo 1 minute.

Jaoge to inka Veg Pulao bhi khaana, Nothing Fancy that I can explain par sukoon bahut hai.

Royal Restaurant is closed on Sundays so aap Weekday par hi ja sakte hai. Kuch poochna ho to 9899180174 par sampark karein 😊

Royal Restaurant
81, Municipal Market, Connaught Circus, New Delhi -110002