More Than Food

View this post on Instagram

A post shared by Gurpreet Singh Tikku (@mistertikku)

Waise to har din shoot ka din rehta hai, aur main events bhi zyadaatar raat ko hi attend karta hoon.

Par jab European Food ne lunch ke liye invite kiya, woh bhi European ingredients se bane khaane ke liye, woh bhi @chefajaychopra Bhai aur @chefguntas ke curated menu ke saath, aur woh bhi Hotel Oberoi mein… toh phir aap uss din ka kaam shift kar dete ho aur pahunch jaate ho.

Mujhe bilkul andaaza nahi tha ki wahan aur bhi kaafi achhe surprises mera intezaar kar rahe honge. Karishma Gupte ji, Amit Lohani bhai, Chef Saby bhai, Chef Rakhie ji, Chef Vaibhav Bhai, EatThisDelhi and aur kai purane doston se mulaqat hui. Aur nikalte-nikalte kuch naye dost bhi ban gaye.
Ab event ki baat karte hain.

Yeh event Europe ke 27 member states ke food ingredients ko showcase karne ke liye tha. Kisi ka dairy aur cheese kamaal ka hai, kisi ka seafood, kisi ke fruits aur vegetables, kisi ki poultry… aur kuch deshon ka toh lagbhag sab kuch hi.
Aur sabse khaas baat yeh hai ki yeh sab European Union ke stringent norms ke under governed hota hai, jo Authenticity, Safety, Quality aur Sustainability ko ensure karte hain.
Ab aate hain khaane par.

Menu ki shuruaat hui Chicken Roulade se, jisme Feta Greece se tha, Dijon Mustard France se aur recipe ka jaadu Chef Sougata bhai ke haathon ka tha.

Phir aayi Gnocchi in Basil Pistachio Pesto, jisme Butter Denmark se tha, Parmigiano Reggiano Italy se aur jaadu Chef Nehal bhai ke dimaag ka tha.

Petit Chicken Schnitzel mein Extra Virgin Olive Oil Spain se tha, Lemon Italy se, Honey Germany se aur recipe phir se Chef Nehal bhai ki thi.

Waise toh sab kuch kamaal tha, par dessert ne dil jeet liya.
Mazedaar Chikki Fudge Cake, Chef Guntas Sethi ji ki creation. Har bite mein mooh aur dil se sirf “Waah!” hi nikal raha tha. Isme Denmark ka Butter, France ki Cream aur Belgium ki Dark Chocolate ka istemaal hua tha.

Thank you @morethanfoodind for that amazing meal, jo waqai “More Than Food” tha.

“Mujhe sabse interesting yeh laga ki ek hi meal mein Europe ke itne alag-alag regions ka taste experience karne ko mila.