Dhamaka Lassi, Darbhanga Waali!
Jab hum Darbhanga gaye to sabne bola ki Darbhanga mein Dhamaka lassi Zaroor peena. Ab naam hi Dhamakedaar hai so hum chale gaye wahaan peene Dhamaka Lassi.
Shukarvaar ka Din Tha , Shaam ke 7 baje ka Mahaul tha, Janamashtami waala Din tha, Aas paas halchal thi and Dhamaka Lassi ki Dukaan par rush laga hua tha.
Ek Bhai Lassi bana rahe the. Humne Shoot karna shuru kiya to ek Uncle Jee aa gaye humko dekhte hi and bole ki mein banata hu aapke liye
Pata chala ki wohi Owner hai and phir unhone apne style mein Adaayein Bikherte hue lassi banayi and barre pyaar se sabko pilayi.
Pehle Bartan mein Dahi Daali, Paani Daala, Cheeni Daali aur Madaani se usko rirakna shuru kiya.
5 Minute baad glass mein Gaarri Garri lassi daali, Uppar se Rabri, Malai, Kishmish ke kuch pieces and bas chamach ke saath Serve ki sabko. 3 Minute mein 40 Glass, Khalaass. Rs. 40 per Glass. Serving since 1974.
Lassi was good par the Fun I had at this shop was next level. Humare aate hi bahut bheerr jama ho gayi, Logo ke saath Bahut gappe maari and woh aap shayad meri chehre ki Chamak aur Awaaz ki Dhamak mein mehsoos kar paa rahe honge.
Darbhanga Tower, Bada Bazar,
Lal Bagh, Darbhanga
Leave a Reply