Isko aap “Bakse waali Khasta” Kahiye Janaab ya “Petti Waali khasta”. Par sach baat yehi ki yeh ek tareeke se tradition hai Chowk Kotwali Lucknow ka ki yahaan picchle 200 saal se chal rha hai yeh silsila.
Kuch khasta waale apne ghar par poori raat Khasta aur uski sabji banate hai aur subah 5 baje Ghar se nikal kar 6 baje chowk pahunch jaate hai aur bechte hai khasta. Kuch log isko kachori bhi kahenge. Woh bhi theek hai 🙂
Saath mein milte hai Aloo Masaledaar, Uppar Dhaniya, Mirchi, Nimbu Chatakedaar. Mooh se garmi bhi niklegi phir bhi khaane ka mann karta rahega.
Ek hi line mein 4-5 log baithe milenge. Par jin Bhai se humne khaayi subah 8 baje, unhone bataya ki pehle meri bikti hai, tab log saath waale par jaate hai. Bahut Guroor hai unko apni Khasta par, Sahi bhi hai kyuki khakar anand to humko bhi aa gaya.
Unke paas last ki 20 khasta hi bacchi thi 🙂
Kaise kamaal ke kisse-Kahani hote hai na har jagah ke,Har Sheher ke, har khaane ki item ke, har insaan ke, Ki sun lo to maza aa jaaye, ehsoos karo to aur bhi maza aa jaaye 🙂
Shukriya karna chahunga, Lucknow ke Har Dil Azeez shakhs @maroofculmen Bhai ko not only recommend us but also accompany us to this place and “Break a Bread”, Err Khasta with us 😊❤️
Leave a Reply